MCU INAEM
Bilatu gure Datu-base eta Katalogoak
Hemen zaude: Hasiera / eu / Argitalpenak / Bilduma digitalak / Retratos en blanco y negro

Retratos en blanco y negro


logoRetratosTeatroEs1_p.jpg

XX. mendeko egunkari eta aldizkari askok batera nahastu zituzten beren orrialdeetan argazkiak eta karikaturagileen marra arina. Horren adibide bikaina dugu bilduma honetan dauden karikaturen aukera-sorta. Gure historiaren garai zehatz batekoak dira denak (1939-1965), urritasunez eta, aldi berean, asmamen eta umore salbatzailez beterik egon zen garaikoak. Garai hartako karikaturagileek unibertso berezi bat partekatu zuten kritikariekin eta berri laburren idazleekin, unibertso horretan, batera nahasten baitziren lagun askoren miseriak eta hainbaten distira profesionala. Haietako batzuk oso ezagunak dira (Fresno, Ugalde, Bon...), eta beste batzuk, berriz, ez dira hain ospetsuak. Hala ere, denak joaten ziren estreinaldi horietara, eta beren artea erakusten zuten hurbileko kafetegietan, bekaizkeriaz ikusitako bizkortasun sintetiko handiz.

Gero, agertokiko albisteak irakurtzeko egarriz zeuden irakurleek aukeran zuten kronika eszenikoa irakurtzea, hala nahi bazuten. Nolanahi ere, ezinbestez pausatuko zituzten begiak Cronos, Dávila, del Arco, Ramón edo Asiriok eskaintzen zieten umorez eta adimenez beteriko distiraldi horretan. Hori zen, izan ere, haien garaitzarik handiena, ondotxo baitzekiten artista ospetsuak desegiten zituztenean (Jardiel, Benavente, Celia Gámez, Rafael Rivelles, edo Lola Flores), beren Olinpotik eraitsi, eta zalearen begien parean jartzen zituztela.

Ireki Retratos en blanco y negro

 

Ez dago elementurik karpeta honetan.

Dokumentuaren akzioak

Related
Bilduma digitalak
Guk hautatutako dokumentuen hiru bilduma jartzen dizkizugu eskura, audioz, argazkiz, marrazkiz eta bestelako dokumentuz osatutako bildumak. Oso dokumentu baliagarriak dira profesionalentzat eta azterlarientzat, eta, era berean, oso erakargarriak dira arte eszenikoak maite dituzten guztientzat.
Zuretzakoantzerkia

Oso produktu arina, dinamikoa eta erakargarria landu da. Bertan hezkuntzako tresna ugari aurkituko dituzu, Bigarren Hezkuntzako curriculumean sartuta dauden lanak aztertzeko egokiak.

Espainiako Antzertiaren Historiarako dokumentuak

CDT zentroak aurkezten duen ikerketa-proiektu honen bidez, berrikuntza landu nahi da euskarrian eta edukietan: milaka dokumentu digitalizatu (prentsa, argazkiak, bideoak, kartelak...), atalka antolatuta, errazago aurkitu ahal izateko.

Antzeztearen aldizkari digitala
Gure herrialdeko agertokien egoera askotarikoaren laburpen bat duzu hemen. Errealitate hori fitxa, argazki, testu, lotura eta ikus-entzunezko dokumentuetan dago jasota. Izan ere, dokumentu horiek ehunka grabazio-orduren laburpena dira, eta zabal islatzen dute Espainiako antzerkiaren ikuspegia.